Sunday, February 7, 2010

Pse kemi frikë nga regjistrimi

Ndërkohë që në Shqipëri flitet aq shumë për hapjen e kutive të votimit ka nisur edhe një debat tjetër i cili, edhe pse jo aq i nxehtë sa i pari, është goxha i mprehtë. E kam fjalën për debatin mbi projektin e qeverisë për “hapjen e kutive” të përkatësisë etnolinguistike dhe të besimit fetar të shqiptarëve.
Ajo që vihet re është një frikë e shqetësim i madh ndaj hapjes së këtyre kutive nga një pjesë jo e vogël e njerëzve publikë. Them “e njerëzve publikë”  sepse popullsia “jo publike” duket shumë më indiferente ndaj këtij debati. Frikërat janë rreth të të dy temave të regjistrimit: si përsa i përket asaj të grupit etnolinguistik ashtu edhe të përkatësisë fetare. Këto dy frikëra herë shkrihen në një dhe herë ndahen, por, gjithsesi, mendoj se janë dy tema që meritojnë të trajtohen veçmas. Në këtë shkrim do të merrem vetëm me njërën syresh, regjistrimin etnolinguistik, duke i rezervuar një shkrim tjetër frikërave të regjistrimit të përkatësisë fetare.
Ndonëse kundërshtimi ndaj regjistrimit etnolinguistik shpesh mbulohet me interpretime kushtetuese, apo mbrojtjeje të drejtash të njeriut, nuk është e vështirë të dallosh në të një gjuhë nacionaliste: sikur, pra, ky regjistrim të jetë një rrezikim i kombit. Dhe, po ashtu, nuk është vështirë të dallosh se frika kryesore në këtë aspekt është ndaj asaj që mund të ndodhë me regjistrimin në jug të vendit ku mund të na dalë një numër më i madh, nga ç’e duam, i minoritetit grek. Pra është frika e atyre që bëhen, si të thuash, zëdhënësit e maxhorancës etnolinguistike shqiptare për të regjistruar një minorancë etnolinguistike në vend. Një tjetër gjë që bijë në sy gjatë debatit është se këto frikëra nacionaliste sot i kalëron politikisht më së shumti e majta në opozitë duke akuzuar qeverinë se po tradhëton interesa kombëtare duke shfaqur, kësisoj, edhe një herë paradokset e politikës shqiptare. Së fundi vura re se deri G99 kishte organizuar një tryezë me këtë synim. Jam i bindur se sikur në qeveri të ishte e majta dhe ta bënte këtë akt nën kërkesën e ndërkombëtarëve, siç duket se po e bën e djathta, do të ishte kjo e fundit që do ta kundërshtonte me të njëjtat argumente nacionaliste.
Por, përpara se të jap mendimin tim se pse mendoj se duhet bërë kjo transparencë, le të shtjelloj më parë nja dy koncepte që, duke lexuar debatin, kam konstatuar se  tek shumica janë ende konfuzë.
Së pari,  desha të them se shpesh në debate ngatërrohet koncepti i kombësisë apo nacionalitetit të një individi, si përkatësi në një shtet kombëtar, me konceptin e etnicitetit apo etnolinguicitetit si përkatësi në një grup të caktuar etnolinguistik.  Ky keqkuptim, që shtrihet deri në përdorimin e termave, buron nga mungesa e vetëdijes se ne jetojmë në kohën e shteteve kombe, çka do të thotë se ajo që në anglisht quhet nationality dhe në frëngjisht nationalité, e që në shqip përkthehet me fjalën kombësi, përcaktohet nga shteti komb qytetar i të cilit je dhe jo nga grupi etnolinguistik të cilit i përket. Mirëpo në pasaportat tona nuk është përdorur termi kombësi, që do të ishte ekuivalenti, i nationality, por fjala shtetësi. Madje në këto pasaporta, përbri fjalës shqipe shtetësi, figurojnë fjalët cityzenship në anglisht dhe citoyenneté në frëngjisht ndërkohë që nuk janë këto fjalët që përdoren në Angli SHBA dhe Francë për të treguar përkatësinë e qytetarit në këto shtete kombe. Vetëm në pasaportën biometrike kemi, më në fund,  zëvendësimin e fjalës angleze cityzenship me fjalën nationality që përdorin amerikanët dhe anglezët për të përcaktuar përkatësinë në shtetin e tyre komb. Dhe kjo është më e saktë sepse një shtet komb mund të jetë një federatë shtetesh, siç janë pesëdhjetë të tillë në SHBA psh., apo si në Zvicër, ku çdo kanton është shtet më vete. Në fakt në pasaportat amerikane kjo fjalë është në tre gjuhë : nationality/nationalitè/nationalidad (spanjisht kjo e fundit). Kurse në një pasaportë si ajo zvicerane, ku, siç dihet, ka katër grupe të mëdha  etnolinguistike, e gjejmë ne pesë gjuhë : nationalität (gjermanisht), nationalité (frëngjisht), citadinanza Iitalisht), naziunalitad (romanisht), nationality  (anglisht). Vlen të vihet në dukje se edhe në italisht nuk përdoret fjala nazionalità, por fjala citadinanza që mund të përkthehet si qytetari në një shtet. Por, po te vesh re pasaportat italiane, fjalët koresponduese ndaj saj në anglisht dhe frëngjisht janë nationality në anglisht dhe nationalité në frëngjisht.
Ky problem që kemi ne në mospërdorimin e fjalës kombësi lind nga identifikimi ynë i gabuar i grupit etnolinguistik me kombin çka e ka origjinën në dallimin midis kombit të kulturës dhe kombit të shtetit. Ne kemi thënë gjithmonë se jemi i njëjti komb me shqiptarët e Kosovës dhe të Maqedonisë duke krijuar kështu barazinë midis grupit etnolinguistik dhe kombit, që, thellë thellë, ka përmbajtur aspiratën për të krijuar shtetin etnik shqiptar si shtet komb të shqiptarëve. Kohët e fundit edhe Berisha bëri një deklaratë që reflekton këtë konfuzion duke thënë për Shqipërinë dhe Kosovën se janë dy shtete, por një komb. Por nisur nga koncepti sipas të cilit kombësinë ta jep shteti komb, ne duhet të themi se jemi të të njëjtit grup etnolinguistik me shqiptarët e Maqedonisë dhe ata të Kosovës, por jo të së njëjtës kombësi. Në fakt në pasaportat e shqiptarëve të Maqedonisë përbri fjalës nationality nuk shkruhet shqiptar, por meqedonas. E njëjta gjë do të vlente edhe për një Kosovë të njohur nga Kombet e Bashkuara  ku për shqiptarët edhe serbët etj. ndonëse do të thuhet se i përkasin grupeve etnolinguistike të ndryshme, (dhe grupe etnolinguistike në botë ka shumë shumë më tepër sesa kombe) do të thuhet se i përkasin të njëjtës kombësi, asaj kosovare.
Dua të them, pra, se në këtë debat duhet të kemi parasysh se tjetër gjë është grupi etnolinguistik dhe tjetër gjë është kombësia e se, në projektin e debatuar, bëhet fjalë për regjistrimin e grupit etnolinguistik dhe jo të kombësisë apo shtetësisë. Kjo duhet pasur parasysh edhe kur debatojmë për të drejtën e vetëdeklarimit. Një qytetar nuk mund të vetëdeklarojë kombësinë, por vetëm grupin etnolinguistik, sepse, që të deklarojë një kombësi të caktuar, për këtë duhet të ketë njohjen e shtetit komb që e njeh si qytetar të tijin. Ashtu sikurse një grup etnolinguistik nuk mund të vetëdeklarohet anëtar i Kombeve të Bashkuara, pasi një e drejtë e tillë i përket vetëm shteteve kombe të njohur ndërkombëtarisht.
Pas këtij sqarimi le të hidhem në temën në fjalë. Nga sa jam informuar regjistrimi i popullsisë, përsa i përket grupimeve etnolinguistike dhe fetare, është një kërkesë e Evropës. Dhe gjykoj se kjo kërkesë lind pikërisht për të mbrojtur ata grupe etnolinguistike që janë minoritare në një vend. Sepse, siç dihet, një nga problemet e shkeljes së të drejtave të njeriut në vendet jo demokratike, siç ka qenë edhe regjimi nacional – komunist shqiptar, është diskriminimi i këtyre grupeve nëpërmjet mohimit të shumë të drejtave. Ndër këto shkelje bëjnë pjesë edhe politikat e asimilimit ku mund të futet edhe mosnumërimi i tyre nga maxhorancat etnolinguistike, pakësimi i numrit të tyre që lidhet, pastaj, edhe me të drejtat e shkollimit të tyre etj. Dihet se pretendimin më të madh për këtë e ka pasur minoriteti grek, i cili ka pasur edhe mbështetjen e shtetit grek. Të pëlqen s’të pëlqen kjo është një e drejtë e tyre sepse në këto gjëra duhet, minimumi, të jesh parimor. Sikur të bëhej fjalë që maqedonasit e grupit etnolinguistik sllav, që janë maxhorancë, të mos i lejonin shqiptarët e Maqedonisë sot të numëroheshin kjo nuk do të na pëlqente, do ta konsideronim shkelje. Pra, nëse bëhet fjalë, siç thonë disa, për diskriminim, ky nuk qëndron në regjistrimin, por në mosregjistrimin për shkak të presionit të grupit më të madh.
E këtu vlen të komentohen edhe argumentet që kemi njëzet vjet që i dëgjojmë kur preket kjo temë sipas të cilëve kjo mund të ishte e drejtë në kushte normale, por jo në kushtet kur shqiptarët, nga varfëria dhe nga halli, janë të detyruar të shkojnë të punojnë në Greqi dhe atje të ndërrojnë edhe emrat edhe përkatësinë etnolinguistike, shoqëruar ky me argumentin se ky ndërrim nuk mund të quhet i vlefshëm sepse ai tjetri e ka kthyer nga halli emrin nga Muhamet në Kristo dhe, meqënëse ne e kemi të regjistruar si Muhamet, nuk duhet ta lejojmë të quhet Kristo e as të vetëdeklarohet minoritar. Së pari, pyetja që shtrohet është: edhe sa vjet do të vazhdojmë ta quajmë vendin tonë anormal? Së dyti, kjo ideja se po e ruajmë shqiptarësinë duke mos regjistruar njerëzit sipas deklarimit të tyre është si të bësh strucin. Sepse, ndërkohë që këtu bëhet fjalë për regjistrimin e grupit etnolinguistik, numri i shqiptarëve që e kanë ndërruar apo janë të gatshëm ta ndërrojnë atë që është më e rëndësishmja:  kombësinë/shtetësinë në kuptimin që i dhashë më lart, është shumë më i madh. Ai shqiptari musliman që e bën emrin Kristo në zyrat e gjendjes civile, e bën këtë nga halli se shtetësinë/kombësinë e ka shqiptare, sepse, po të kishte marrë tashmë shtetësinë/kombësinë greke, këtë veprim ndoshta nuk do ta bënte fare apo do ta bënte në shtetin grek me gjithë të drejtat që i lejon ligji që për fat është po ai edhe tek ne, sepse e drejta e ndërrimit të emrit vetëm në diktaturat më të egra mund të ndalohet. E megjithatë kjo nuk është thjesht çështje ndërrimi emri. Sa shqiptarë janë bërë gjermanë dhe e kanë humbur automatikisht kombësinë/shtetësinë shqiptare. Sa të tillë janë bërë italianë, amerikanë apo grekë, britanikë, belgë etj. Nuk e dimë, dhe as këtë nuk duam ta dimë. Sepse, ashtu siç thuhet për gomarin, ne na pëlqen të mbetemi në ëndërr. Madje paradoksalja është se një pjesë të këtyre shqipëtarëve i gjen të shkruajnë nëpër internet, dhe me sinqeritet madje, se po na rrezikohet kombi me këtë regjistrim. Dhe problemi nuk është as thjesht se ata kanë ndërruar kombësinë/shtetësisë, por sepse në brezin e dytë do t’u lindin fëmijë që as nuk do të dinë shqip, kurse fëmijët e fëmijëve të tyre do të përmendin vetëm në tryeza me miqtë origjinën e tyre shqiptare, siç ka ndodhur me shumë e shumë emigrantë.
Sipas gjykimi tim kjo hemorragji nuk mund të ndalohet me retorikat nacionaliste që përdorin diskutantët e debatit në fjalë e as  duke mos u dhënë njerëzve të drejtën e vetëdeklarimit. Këto tingëllojnë sa anakronike aq edhe hipokrite, veçanërisht kur ke parasysh se një pjesë e atyre që i mëshojnë këtyre retorikave,  kanë përgjegjësi direkte për katandisjen e Shqipërisë në një vend që shqiptarët vazhdojnë ta braktisin.
E gjithë kjo energji do të duhej të derdhej, mundësisht, për të mbyllur plagët që e prodhojnë hemoragjinë në fjalë  duke ndërtuar një Shqipëri ku njerëzit të duan të rrisin fëmijët e tyre dhe jo të ikin.
Nuk është vështirë të kuptosh nga debati se frika ndaj deklarimit të përkatësisë etnolinguistike tek disa shkon deri tek një frikë e vjetër se, duke dalë një numër i madh minoritarësh grekë, nesër Greqia do të ketë të drejtë të ndryshojë kufijtë e shtetit tonë kombëtar – pra teza e vjetër e Vorio Epirit. Besoj se në kushtet e sotme një ndryshim i tillë i kufirit është fantapolitikë që mund të vihej në diskutim vetëm nëse shqiptarët një ditë të bukur, pas shumë hyneresh, si ato që kanë bërë deri më sot, do të deklarojnë se janë të paaftë të qeverisen vetë dhe do të kërkojnë të shpërbëhet shteti i tyre. Nuk e përjashtoj që edhe kjo ka gjasë të ndodhë me këtë lemeri politikanësh që kemi. Por edhe atëhere them se do të jetë e vështirë të ndërrohen kufijtë pasi askush nuk do t’i marrë kaq lehte përsipër shqiptarët. Më e mundëshmja është të na sjellin ndonjë trojkë protektorësh.
Prandaj gjykoj se më mirë se sa të mbajmë poza pseudopatriotike ia vlen të punojmë për të përmirësuar kushtet e jetës së njerëzve në këtë vend, të të gjitha grupeve etnolinguistike, e, në këtë kontekst, të bëjmë edhe regjistrimin etnolinguistik që do të ishte një radiografi e mirë e shoqërisë sonë që do të na ndihmonte për të njohur edhe më mirë veten e për të kapërcyer  një tjetër trashëgimi të keqe të nacional – komunizmit. (Korrieri, 7 shkurt 2010)

26 comments:

Anonymous said...

Zotni! Greqia ka bere masaker gjaksore ndaj shqiptareve, ka ukupuar jugun e Shqiperise duke bere spastrime etnike dhe vazhdon te mbaj nje qendrim ksenofob diskriminues. Maqedonia po te njejten gje. Serbia dihet, no koment. Rregullat e lojes i jane vene per ti zbatuar vetem inferjoreve dhe shteteve latente si i yni. Te fuqishmit nuk i permbahen rregullave te lojes...
me dukeni si nje personazh i nje levizje te perenduar i viteve 68.

Anonymous said...

e pare e punes thoni se jeni informuar se kete gje e kerkojne nderkombetaret.por po ta shohesh ashtu sic duhet kuptohet qe kjo nuk eshte aspak e vertete sepse dihet cila pale e nderkombetareve eshte ajo qe insiston ne kete pike(pala greke), por edhe sikur ta kerkonin vertet me ngulm te madh nderkombetare kete gje duhet negociuar dhe u duhen shpjeguar arsyet perse kerkohet jo qe te anullohet berja e ketij regjistrimi, por te shtyhet per me vone, kohe ne te cilen shqipetaret do levizin lirshem ne europe. sepse edhe ju ketu e paraqisni situaten sikur ne maxhoranca kerkojme te fshehim minorancen.Nuk eshte e vertete! ne thjesht duam qe ky proces te shtyhet pe nje kohe ku njerezit te mos jene te kushtezuar nga kushtet ekonomike per te deklaruar kombesine dhe fene e tyre(kryesisht ceshtja e levizjes se lire). une kam kushernjte e mi te cilet edhe pse kane origjine te njejte me mua dhe ushqejne po te njejtat ndjenja patriotike ashtu si une, kane ndryshuar kombesine e tyre te detyruar nga kushtet e jeteses dhe une nuk mund tu ve faj per kete. Prandaj edhe leksionet e patriotizmit qe beni ju dhe shume te tjere qe shpesh thone gjera si psh: se nje komb duhet te sakrifikoje per identitetin e tij, apo se dhe gjoja Curcilli ka thene: cdo popull e meriton qeverine qe ka(po edhe sikur ta kete thene vertete sdo te thote qe duhet te kapemi pas saj), jane pallavra qe u ka ikur koha. ne sot jetojme ne kohera ndryshe nga ato te 60 vieteve me pare ku informacioni dhe disniveli ne lidhje me vendet e tjera te botes ishte i paket(nuk flas ketu per francen,angline apo gjermanine)dhe ku te gjithe nuk leviznin lirshem , ne jetojme ne kohera ku idealet jane lene paksa(ndoshta shume) menjane dhe me te drejte sepse ne udhetojme me aq mundesi sa kemi prej vizave por shohim edhe neper tv perendimore njerez qe jetojne ne kushte te mira jetese, levizin te lire neper bote dhe mund te jetojne ku te duan ata, dhe duke e kuptuar se njeriu vetem nje jete ka, mes idealit dhe mirqenies shumica zgjedh mirqenien dhe kjo eshte mese normale. Te gjithe kombet e botes ne po te njejtat kushte do benin te njejten gje panvaresisht se shume prej tyre sot fryhen se gjoja e kane care historine me gjoks, madje edhe hebrenjte qe mbahen si kombi me patriot dhe me i sakrifikuari ne bote, ne luften e dyte boterore nje pjese shume e madhe e tyre u vune ne sherbim te nazisteve dhe u treguan po aq te pameshirshem me njri tjetrin, gjithe rojet neper kampe dhe geto ishin hebrenj, por me te drejte askush nuk i ka fajesuar per kete.
Tjeter gje qe nuk me pelqen ne kete shkrim eshte mania per te futur partite politike ne kete ceshtje. Te gjithe e dine se opozita dhe nder te edhe G99 kerkojne ta shfrytezojne per arsye politike, por cfare do te thote kjo se eshte e gabuar, ne fund te fundit kjo eshte detyra e opozites. Thoni ju qe edhe po te ishin ata ne pushtet po te njejten gje do benin, po edhe kete gje te gjithe e dine, madje ndoshta do ta benin edhe me keq se keta, por ne ate rast ne do perfitonte opozita qe sot eshte ne pushtet. Qe partite politike kane nje surrat, edhe kete e dine te gjithe, qe jane te gjithe hajdute e te korruptuar deri ne gryke edhe kete e dine te gjithe. Por cfare do te thote kjo, qe le ta aprovojme cdo gje te gabuar qe kerkon te beje njera pale se keshtu kenaqemi duke mos perfituar pala tjeter. Jo, e keni shume gabim se te vetmit qe humbasin jane ata qe vertete ushqejne nje minimum ideali per kete vend,ata te cilet nuk kerkojne ta zhvasin, por duan ta shohin te zhvilluar dhe te begate. Jam dakort qe ti diskretitojme politikanet kur ata duan te perfitojne por jo te bejme gabime duke demtuar veten per inat te tyre. Dhe sa per shqiptaret, jane kombi me pak racist ne bote, dhe kjo eshte nje e vertete e pamohueshme.

ARTI NE KOHERAT E KOLERES said...

une ne fakt mendoj se regjistrimi i popullsise, nder te tjera edhe i perkatesise etnike dhe fetare te shtetasve te republikes se shqiperise, eshte nje domosmoshmeri. eshte e tille,jo vetem sepse diktohet nga organizmat europiane, por sepse po ta shohim edhe ne kontekst historik, eshte nje mjet qe ka patur gjithnje koherencen e tij, dhe njekohesisht mjaft efikas per te kuptuar me mire rrymat, si dhe pasurine etniko-linguistike te shoqerise shqiptare.

une vete si nje minoritar grek, i lindur dhe rritur ne tirane, me habit gjithe kjo zhurme, ndonese arrij ta kuptoj me se miri. arrij te kuptoj lulezimin nacionalist qe kalon 50 vjet me vonese shoqeria shqiptare, ashtu sic pothuajse ka kaluar me vonese cdo levizje tjeter kulturore/artistike/sociale/politike, dhe ashtu sic ne pergjithsi i kalojne vendet e izoluara, te ndrydhura, periferike ndryshimet qe ndodhin ne boten perreth.

por ky lulezim nacionalist ne shqiperi, eshte mjaft here shqetesues, sepse ke ndjesine qe eshte i vetmi mekanizem i gjalle, qe punon intensivisht ne lokomotiven e ndryshkur te kastes ekzistuese politike. fenomene te kancerozes nacionaliste ka kudo ne bote, por eksistojne ne keto shoqeri edhe mekanizma, organizma, grupime politike, intelektuale, qe u kundervihen dhe qe i luftojne, gje qe fatkeqesisht nuk ndodh ne shqiperi. (do te me falni z. lubonja, por zeri juaj sado i shendetshem, dhe kryesisht nga pozita te jashtme ne relacion me klasen politike, nuk mund te eikulibroje, kete mungese te shoqerise cilile shqiptare.)

sa per regjistrimin, nuk arrij te kuptoj zhurmen, sepse jam i bindur qe ky regjistrim do te paraqese shifrat e minoritetit grek ne kuota minimale dhe qesharake. po te kemi parasysh votat e zgjedhjeve te fundit ne shqiperi, mund te kuptojme edhe fatet e regjistrimit. po keshtu, u tha nga perfaqesuesit e qeverise, se ky regjistrim nuk do te jete per te tere poseduesit e shtetesise shqiptare, por per ata qe aktualisht ndodhen ne shqiperi. dhe lind pyetja sa perqind e minoritetit grek ndodhen sot aktualisht ne shqiperi? 10%-20% por jo me teper. nese duam te dime numrin e vertete te ketij grupi etnik(nder te tjera) qe posedon shtetesine shqiptare, dhe qe jane banore prej shekujsh ne ate truall qe prej 1912 thirret shqiperi, perse kemi frike te regjistrojme te gjithe kontigjentin e njerezve qe ploteson keto kushte, pamvaresisht se ku ndodhet ai aktualisht.

dime rolin primar qe luajne ne ekonomine shqiptare, te ardhurat e individeve qe banojne ne vende te tjera, dhe qe braktisen shqiperine ne kerkim te nje jete me te mire keto dy dekadat e fundit. dime se sa rigjallerues eshte ky rol qofte ne aspektin ekonomik, social, kulturor. perse valle shteti shqiptar injoron kaq haptazi te shtrije kete regjistrim edhe jashte kufijve te shqiperise nepermjet ambasadave apo konsullatave shqiptare, apo organizmave te tjera qe mund te ngarkohen me kete proces?

-vazhdon-

Anonymous said...

madje do me pelqente te ishin me shume raciste per faktin se e keqja e tyre me e madhe eshte se jane me teper racist me njeritjetrin dhe te huajin e respektojne me shume nga cduhet. Une jam student per stomatologji dhe e dua kete profesion per te qene jashte vartesive partiake, por dua qe vendi ne te cilin jetoj dhe qe e dua me gjithe shpirt, te kete vendin qe i takon ne histori, qofte ky edhe vend jodinjitoz por te pakten jo i shtremberuar.
KLEVIS BEGAJ

ARTI NE KOHERAT E KOLERES said...

-vazhdimi nga komenti i meparshem-

degjoj te thuhet nga nje takem mikro-politikanesh, qe ne pergjithsi kane edhe nje origjine te caktuar, dhe komandohen nga qarqe te caktuara, se regjistrimi nuk duhet bere. po pse valle duke mbyllur syte problemet(nese ato ekzistojne) do te zhduken? nese ne shoqerine shqiptare levrijne grupe, apo rryma te caktuara, duke mos u permendur emrin, a thua valle do te shperbehen? ne nje bote si kjo e sotmja, ne nje europe te bashkuar si ajo qe aspiron te futet edhe shqiperia, pa kufij dhe gardiane, mund t'i imponosh njerezve, p.sh. jugut te shqiperise se me ke dhe ku duhet te shkoje dhe te vije? mund ti thuash nje gjirokastriti, apo korcari, se ti duhet te ndihesh me afer prishtines, dhe jo janines apo selanikut per shembull?

sa per ate se greqia eshte ajo qe i ben shiptaret te nderrrojne emrat, ky eshte konstrukti me i madh mitologjik i marredhenieve greko-shqiptare, per te mbuluar ndjenjen e inferioritetit qe shoqeronte njeriun shqiptar menjehere pas renies se diktatures komuniste. nje shembull po ju jap: ne greqi ekzsistojne me mijera pakistaneze, polake(qysh prej viteve ku polonia nuk ishte anetare e be), bullgare,rumune,ukrahinas,afrikane, ruse, filipineze, etj. pse vetem shiptaret nderruan emrat? nese qeveria greke ben presion per nderrim emri, nuk e ben kete ndaj te gjithe te huajve? pse ky fenomen eshte kaq ne mase tek shqiptaret? dhe kur themi per nderrim emri tek shqiptaret, me teper ky fenomen haset ne marredheniet me te tjeret, ne jeten e perditshme, pasi ne dokumenta jane shume te pakta rastet e "muharremit" qe behet "jorgo", dhe kete e them nga pervoja personale, pasi te gjitha dokumentat tona, certifikatat dhe pashaportat qe i jane dorezuar shteti grek, jane kontrolluar ne regjistrat perkates (jo vetem nje here) te gjendjes civile ne shqiperi, dhe ne keto regjistra nuk ekzistojne fallsifikime, si bie fjala mund te behet me ndonje certifikate qe mund te marresh duke dhene disa pare...

mendoj edhe nje here se regjistrimi i popullsise, edhe ne baza etnike e fetare, eshte nje domosdoshmeri, dhe nese duam qe ky regjistrim te jete i vlerte, duhet te shtrihet ne te gjithe shtetasit e shqiperise, kudo qofshin ata.

gjithe te mirat!

toni

NOBLE said...

Pershendetje!
Eshte e vertete se nje debat i ri ka lindur, i cili me shume se sa nje problem real, eshten nje ushqim i mire per median apo per ndonje parti te caktuar politike. Por, ne te vertete kjo ceshtje ka filluar te kthehet ne nje fare shqetesimi edhe per qytetare te ndryshem e madje edhe per disa adoleshente qe e kalojne tere kohen ne facebook. Ne te vertet nuk kam shume cka te shtoj sepse Z. Lubonja e ka shtjelluar gjeresisht por, do doja te theksoja per ata qe nuk e kane te qarte se ky regjistrim nuk behet pa pritur e pa kujtuar. Eshte nje proces qe duhet kryer c'do dhjete vjet, dhe qe merr te dhena te detajuara vetem per popullsine prezente e jo ne total. Dallimi me regjistrimet e kaluara apo me ate pararendes, qendron ne dy pika, qe ne fakt si njera edhe tjetra nxisin debat ne Shqiperi, pertej paraqitjes ndaj te huajve apo cka eshte edhe me e pamoralshme, ndaj njeri-tjetrit "sidomos ceshtja e fese apo raportet qe ekzistojne". Nje gje tjeter qe duhet te rikujtoj dhe qe sigurisht e sqaruar edhe nga shkrimi i mesiperm, eshte se kjo eshte nje kerkese nga vete BE-ja qe ne vetvete tenton pikerisht ruajtjen e ketyre identiteve ose qujtur ndryshe, vlerave, te cilat ne nje Evrope te bashkuar, e para nje te ardhmje globaliste po sheshohen gjithnje e me shume. Gjithashtu dua te theksoj se, procesi i regjistrimit eshte teper i komlikuar me shume pyetje, te cilave nuk eshte aspak e lehte te ju behet dredhi (t'u jepet pergjigje e rreme), sepse perfundim do te dilte thjeshte nje kontradiksion dhe nuk do merrej si i vertete.
Nese dikush do te hidhte nje tjeter dyshim, ate te manipulimit nepermjet rryshfetit, gje per te cilen do druaja edhe une, sigurisht qe nuk do te kisha nje pergjigje.
Gjithsesi, une e shikoj si nje gje pozitive kete proces; te dime me mire sa dhe si jemi. Per ata qe e shohin me frike, duhet te dije se ekziston edhe nje regjister i Gjendjes Civile, i cili me gjithe problemet e tij, do jete pjese e Regjistrit Elektronik.

Fisnik Lama.

Anonymous said...

Kemi frike se ndryshon pejsazhi demografik. Kemi frike se ky raport demorafik nuk i pergjigjet realitetit. Kemi frike se kjo qeveri ka dhene prova qe ben gjera te mbrapshta. Kemi frike se fqinjet tane e kane vertetuar me fakte historike qe duan te na shdukin fizikisht, ashtu sic dhe kane bere. Kemi frike se akoma eshte ligji i luftes. Kemi frike te bazuar ne faktin se nuk ekziston asnje shenje nga cameria/avranitesit. Kemi frike se jane shdukur dhe varret e shqiptareve. Kemi frike se kurre nuk do ta njohim realitetin e pamvarsise se Kosoves. Kemi frike nga nacionalizmi maqedonas qe kerkon edhe ai shukjen e Shqipes.Kemi frike se ashtu sic shkruan studiusi Gjerman Wolfgang Stoppel Greqia quan pakice kombetare te gjithe Shqiptaret qe kane fene otodokse. Kemi frike se historikisht ngelem te ekspozuar ndaj pretendimeve territoriale të fqinjëve. Kemi frike se prishet raporti qe "Shqipëria është konsideruar si një entitet homogjen etnik me pakica në rajonet kufitare në lindje dhe jug, që sipas shifrave zyrtare, jane më pak se 3% të popullsisë . Kemi frike se jemi te rrethuar mes ujqerish dhe ashtu sic thote proverbi i vjeter latin: " kur je mes Ujqerish duhet te ulerish" apo sic eshte shkruar ne librat e shenjte "Sy per Sy, Dhembe per Dhembe" Nacionalizmi i fqinjeve ulerin gjer ne qiell dhe Ne te pakten duhet te jemi realiste. Te jemi reliste dhe te ndertojme strategji dhe ti pergjigjemi me te njejten monedhe....

Anonymous said...

Nacionalizmi - forca më e fuqishme politike e kohës sonë. Dhe une kam frike se Kombi është gjithmonë një çështje e ndërgjegjes. Dhe ndergjegjia e jone dihet si eshte....Gjith te mirat i ke, si dush luan me fjalen, na i kariko baterite me nacionalizem...

Anonymous said...

Citim: Sa të tillë janë bërë italianë, amerikanë apo grekë, britanikë, belgë etj. Nuk e dimë, dhe as këtë nuk duam ta dimë. Sepse, ashtu siç thuhet për gomarin, ne na pëlqen të mbetemi në ëndërr. Madje paradoksalja është se një pjesë të këtyre shqipëtarëve i gjen të shkruajnë nëpër internet, dhe me sinqeritet madje, se po na rrezikohet kombi me këtë regjistrim. Dhe problemi nuk është as thjesht se ata kanë ndërruar kombësinë/shtetësisë, por sepse në brezin e dytë do t’u lindin fëmijë që as nuk do të dinë shqip, kurse fëmijët e fëmijëve të tyre do të përmendin vetëm në tryeza me miqtë origjinën e tyre shqiptare, siç ka ndodhur me shumë e shumë emigrantë.

____________________________________

Shume e drejte dhe shume e vertete. E hidhur, por e vertete. Por mua me lindi pyetja... mire se per emigrantet ne Greqi po themi qe ka ndikuar nacionalizmi grek. Po ata ne Itali e Amerike, kush i ka detyruar? Vijne ketu e kalamajt s'u dine nje fjale shqip. Dhe behen me patriote se shqiptaret ketu. Vertet paradoks. Madje shume prej ketyre shpesh andej ku jane as nuk tregojne qe jane shqiptare. Ca bejne si italiane, ca si greke... varet nga gjuha e dyte qe dine.

Une personalisht nuk habitem me per asgje nga politikanet tane, domethene, qe ne vend qe te bejne ndonje pune qe shqiptaret te mos vazhdojne ta braktisin kete vend pergjthnje, politikanet gerricen gjithe diten me fjale per debate te kota. Me kete brez politikanesh i kam humbur shpresat ne menyre absolute. Po pres t'i plake koha, te vdesin vete e Shqiperia te beje perpara. Edhe lajmeve politike vetem titujt u lexoj tashme, se keta e kane fyellin vetem me nje vrime. Kot sa t'i lexosh.

Sa per regjistrimin fetar, mua personalisht s'me shqeteson fare kjo puna e regjistrimit. Uroj vetem qe tek feja te kene opsionin "agnostik" dhe me ne kllapa nje shpjegim se c'do te thote agnostik, dhe qe ata qe do te bejne anketat, t'ua kujtojne shqiptareve ta lexojne nje here. Sepse shumica e shqiptareve aty futen, por thone "jam mysliman\ortodoks\katolik" vetem sepse emri i gjyshit u tingellon si emer mysliman\ortodoks\katolik...

Anonymous said...

Cdo te ndodhte sikur komuniteti vlleh apo arumun i Shqiperise te vetpercaktohej sipas kritereve etnolinguistike si vllehe - rumune, apo sikur komuniteti rom si rom - egjiptiane???
Referimi im ne keto dy komunitete nuk ishte i paqellimte, mbasi te dyja tok, perpos atij grek perbejne nje shumice te konsiderueshme te shtetit/kombit shqiptar.
.....................

Zallahimedhenjte nuk kane frike Greqine apo ringjalljen e 'Vorio Epirit', por bashkekombasit e tyre. Perse te kene frike qe Shqiptaret, qe ndihen vertet te tille, te vetedeklarohen si greke apo sidoqofte? Fundja, perfaqesuesit e shtetit grek apo te qarqeve te ndryshme, nuk do jene te pranishem ne procesin e firmosjes. Nese Himariotet duan te deklarohen greke, nuk mund te dalim me pretendimin qesharak qe mbas ketij 'akti' fshihet kanosja greke. Nese Himariotet apo kushdo Shqiptar, per arsye ekonomike, materiale apo cilatdoqofte, nuk deshirojne te percaktohen si Shqiptare, kjo do te thote qe ne hierarkine e tyre personale interesat kombetare ndodhen ne shkallaren e fundit apo qe per hir te interesave te tjera, jane te denje te flijojne vetedijen e tyre kombetare. Nje pergjigje apo argument i thjeshtezuar do ishte, qe nuk kane rrugedalje tjeter, mbasi ne te kundert do humbnin frytet e nje qendrimi kohor te gjate ne Greqi. Mjaft me, Shqiptaret duhet te zgjohen. Le t'i drejtohen organizmave evropiane dhe nderkombetare ne s'ia dalin dot mbane me Greqine e 'cartur'. Ne kete forme, do ndjekin dhe gjurmet e periudhes se ndritur te Rilindjes. Do luftojne per clirimin nga zgjedha greke. "Me mire nje dite ne liri, sesa nje jete ne roberi"....
Mjaft me me sllogane te tipit te masakrave gjaksore. "Na t'birte e shekullit te ri", duhet te vetedijesohemi qe liria e te qenurit, liria e te menduarit, e te ndjerit, e te vepruarit eshte nje esence - substance intime dhe vetjake qe nuk mund te syrgjynoset ne vija hermetike kufitare

Anonymous said...

Si shume shpesh e lexoj fjalen "nacionalizem" une ketu. Shqiptaret jane me pak nacionaliste se te gjithe, por bejne sikur jane me nacionaliste se te gjithe. Kur vjen puna per vepra, tek problemi i pare, te gjithe jane gati te kacavirren neper anije e te kalojne malet ne kembe.

Iliri said...

z. Lubonja,
nuk jam dakort me dallimin kaq te madh sa c'e paraqisni ju midis "kombesise" dhe "perkatesise etnogjuhesore". Keni degjuar ju ndonjehere ndonje minoritar te thote "une jam shqiptar nga kombesia, por grek nga etnogjuhesia"? Asnjehere. Ajo qe haset me shpesh eshte "jam grek i Shqiperise se Jugut" ose "jam grek me shtetesi shqiptare". Pra "etnogjuhesia" baraz "kombesi". Prandaj, nuk jane fare pa baza shqetesimet e atyre qe kundershtojne regjistrimin. Edhe une dyshoj se Greqise do t'i hapet oreksi ne se diten e regjistrimit te popullsise do te kete vershim autobuzesh nga Greqia me emigrantet tane atje.
Megjithate, kam shume shprese te lideri yne ne Tirane qe do te kete rast ta shkrije talentin e tij ne zbukurimin e rezultateve. Per hir te futjes ne Europe ai mund te na nxjerre nje popull te paster kristian, por me vetem 60,000 greke. Finger crossed.
Iliri, Toronto

nardi said...

Regjistrimin e kerkojne greket jo per te regjistruar minoritaret qe ishin ne shqiperi , por per te regjistruar vlleherit e shqiperise qe i kane pagezuar greke,duke i joshur ata me dokumente afatgjate,me bursa studimi dhe me pensione.

Anonymous said...

kam pershtypjen se ngaterron pak grupin etno-linguistik me kombesine; e me pas edhe kombesine me shtetesine.
ne pasaportat e reja kosovare shkruhet: "nationality kosovar", nderkohe qe ata qe i kane keto pasaporta jane shqiptaret (kryesisht) dhe shume me pak serbet. Ne kete rast fjala nationality dmth shtetesi, aspak kombesi si i ngaterroni ju, nuk e di, iu ka shpetuar apo jo.

Anonymous said...

"Dhe problemi nuk është as thjesht se ata kanë ndërruar kombësinë/shtetësisë, por sepse në brezin e dytë do t’u lindin fëmijë që as nuk do të dinë shqip, kurse fëmijët e fëmijëve të tyre do të përmendin vetëm në tryeza me miqtë origjinën e tyre shqiptare, siç ka ndodhur me shumë e shumë emigrantë."
- Ka ndodhur me shume emigrante se shtetet ku ato jane bejne politika te tilla nacionaliste(lexo kombetare se ka njerez qe i tremb i shqeteson fjala nacionalizem) Pra si shpjegohet fakti qe me shume se njeqind vjet keto pakica nuk jane intreguar, asimiluar, shqiptarizuar, aq sa dhe keto ne tavolinat e tyre te tregojne per origjinen e tyre??? Nje shembull nga Danimarka: isha me pushime ne ishullin e Danimarkes Fano 10 dite. Ne vilen e pushimit te tipit Bungalo prej derrase me nje oborr me parmake derrase dhe ne mes te oborrit nje shtize e madhe hekuri qe ishte per ngritjen e flamurit dhe ne rregulloren qe gjetem ne sirtar thuhej se eshte e ndaluar me ligj ne Danimarke te ngrihet flamur tjeter i cili cdo shteti qofte pervec atij te Danimarkes. Shembull tjeter, ishullin majorka: Kur nje moderator ne televizion beri nje shaka se Majorka ishull i preferuar per Gjermanet qe e kane "pushtuar" ate tha: se eshte repuplika e 17 e Gjemanise dhe faktikisht jetojne me shume Gjermane se sa Spanjolle, Spanja ju pergjigj me note proteste diplomatike. Ne asnje vend te botes nuk ka parti me baze etnike si ne shqiperi. Omonia me emrin e shemtuar "Partia e te drejtave te njeriut" qe seshte gje tjeter vec se "Kali Trojan" ne politiken Shqiptare. Kaq kokeforte jane faktet sa qe me shume ka Shqiptare jashte kufijve se sa brenda si rezultat i politikave agresive nacionaliste te fqinjeve dhe politikave idjote te Shqiptareve. Na dalte per hajer inventari fizik i Shqiperise. Po ashtu si ne cdo inventar molla e kalbet hillet ne kosh se kalb gjith arken.

1984 said...

Kjo puna e grupit etnolinguistik më kujton një regjistrim në Australi e në ca vende të tjera të kurorës britanike, ku mijëra njerëz kërkuan të ishin të fesë Jidi - nga Saga e Starwars. Këta njerëzit, menduan se po të bëheshin shumë do mund ta regjistronin fenë Jedi si fe zyrtare në këto vende.
Studimet e mëvonshme treguan se shumica e tyre e bëri për gallatë.
Si ju duket ideja që të bëjmë dhe ne një fe të re, le ta quajmë Dugagjinizëm, e të testojmë sa i vërtetë do jetë ky regjistrim??

Të më falë Arti në Kohën e Kolerës por grekët siç sjellin autobusët me njerëz të instruktuar për të votuar nga Greqia, do sjellin me siguri edhe njerëz për ët deklaruar etnolinguizmin e tyre.

E fundit,
Me sa di unë censi është një statistikë, dhe duhet të jetë i prekshëm. kam 1 frigorifer në shtëpi dhe një kanarinë.
Se çfarë gjuhe këndon kanarina, nuk është e censueshme. Besimi, dhe idetë, sikurse edhe dija (unë di që jam vllah, po kam më shumë qejf të jem italian, po kam dhe ca letra greke) nuk janë të censueshme. Sepse nuk mund të ndërtosh statistika mbi besimin e njerëzve, që është gjëja më e paqendrueshme në kohërat tona.

1984 said...

Se u futa për pak research, dhe shikoni se ç'gjeta: 70mijë njerëz, të fesë Jedi në Australi vetëm.

http://en.wikipedia.org/wiki/Jedi_census_phenomenon

Iliri said...

Regjistrimi i popullsise (Census-i cdo 5 vjet) nuk eshte i sakte as ketu ne Kanada. Ka nje ligj qe gjoja i denon ata qe nuk e plotesojne formularin, mirepo, shume pak ose askush nuk persekutohet. Kjo shpjegon qe pse shume shqiptare ne Kanada nuk e plotesojne fare dhe, sigurisht, rezultati nuk e pasqyron numrin e sakte te shqiptareve ne Kanada. Mendoni se sa "accurate" do te jete ne Shqiperi, ku ca nga analfabetizmi, ca nga pertacia, ca nga inati, shume njerez nuk kane per t'u deklaruar fare. Po te shtojme ketu edhe ato autobuzat e Greqise qe permenden me lart, rezultati mund te dale i deformuar.
Mua me shqeteson vetem nje fakt qe pasi te mesojme se kush jemi (me te drejte Lubonja e ngre kete shqetesim), kufijte shpirterore qe na ndajne mund te ngrihen edhe me te larte. Ne jemi nje popull tek i cili procesi i kombformimit nuk mund te quhet i perkryer. Me kete hap, ne po bejme nje gje qe te tjeret e kane bere pasi eshte perfunduar procesi i kombformimit te vet.
Nje sugjerim do te kisha: pyetja per etnine ne formular duhet te zevendesohet, sic eshte edhe ketu ne Kanada, vetem me pyetjen: "cfare gjuhe flet ne shtepi". Pra, zevendesojme zinxhirin e gjate: etni-kombesi-komb-shtetesi me gjuhe-kombesi. Pra, jemi te gjithe shqiptare me "nationality", por disa me origjine etnike te ndryshme dhe jo e kunderta: jam grek/vlleh/sllav por me ra fatkeqesia te jem ne nje shtet shqiptar
Iliri, Toronto

Anonymous said...

Kryesisht ne pergjigjje te Z. Toni te Artit te koleres,

Shqiperia ndoshta mund ta kete nje shpjegim se pse po i lulezon me 50 vjet vonese "nacionalizmi", por do isha shume kurioze te dija pse Greqia ka ende nje lulezim non-stop te nacionalizmit 24 ore ne dite per 7 dite ne jave, per... X000 vjet?

Mjerimi me i madh i shqiptareve eshte qe te degjojne leksione, madje te pergjithesuara si "nderkombetare" nga greket, shtetas te nje vendi qe eshte delja e zeze e BE, ne nje mori aspektesh. Nje vend ku me ligj nuk lejohet njohja e minoriteteve dhe ku obskurantizmi dhe prapambetja ekzistojne ne nje shkalle te tille sa feja dhe kombesia identifikohen ne nje, dhe ku ministrat si mbreterit ne kohet e mesjetes se hershme, betohen para nje njeriu me rraso te zeze.

Doni vertet te dini pse bullgaret, ukrainasit, ruset, e te tjere, madje edhe afrikane, nuk e nderrokan emrin? Po eshte shume e thjeshte zoteri, se kane lindur ortodokse (ata te rruges se drejte), ose te pakten krisitiane, ndonese te sekteve te tjera. Sigurisht, shqiptareve nuk ua kerkon zyrtarisht i nderuari shteti grek, antar i BE,por injoranca e afendikojve tek te cilet jane punesuar. Ky eshte asimilimi i vertete zoteri, madje i detyruar me "pambukun" e bukes se gojes dhe lejes se qendrimit vs. deportimit.

Sa per korçaret dhe gjirokastritet, etnine dhe perkatesine e kane deshmuar shume kohe me pare, se kane qene ne krye te perpjekjes per Shqiperine. Dhe niperit e mbesat e tyre sot, katkeqesisht, nuk kane ndonje kriter te vlefshem per ta ndryshuar, nese kjo e shkreta paska diçka objektive dhe nuk eshte si gjellet e menuse ne restorant, qe mund t'i zgjedhesh sipas deshires.

Neqoftese Greqia u be shtet i pavarur disa dhjete-vjeçare para Shqiperise, kjo eshte ne saje te mes te tjerave luftes se shume kapedaneve e palikareve shqiptare, femijet e te cileve me pas kishin frike te flisnin shqip, ne shtetin qe krijuan eterit e tyre.

Hiqini shqiptareve çeshtjen e vizave si dhe pensionet e "vorio-epiroteve" qe paguan Greqia me defiçitin buxhetor katastrofik te mbuluar me gjethe fiku me ndihmat e BE, dhe pastaj lerini te zgjedhin etnicitetin, kombesine apo çfaredo qofte dhe atehere le te behet çfare te behet. Le te ndjejne me afer edhe Australine, po qe se keshtu deshirojne.Por jo me kaq nxitim, zoteri, se ky mban ere, ashtu si çeshtja e marrveshjes per kufijte detare. Shume gjera qe duhet te zgjidhen ne favor te Greqise,me nej urgjence te ethshme, para se asaj t'i hiqen nga dora mjetet e presionit, nepermjet keqperdorimit dhe manipulimit te standardeve te BE.

Kurse per Z. Lubonja me vjen keq se me duket se vitet e gjata te vuajtjes nen regjimin e komunist ia kane identifikuar Shqiperine dhe shqiptaret perkatesisht me diktaturen e proletariatit dhe Enver Hoxhen. Ndoshta Toni duhet marre si shembull iluminues qe nuk e identifikon Greqine me kolonelet e zinj dhe grupin terroristo-anarkist "17 nentori".

Dhe sa per mos-rrezikun e ndryshimit te kufijve, Z. Toni perseri po kundershton me shume elegance me argumentin e "afersise" me Ioaninen e Thesaloniqin.

ARTI NE KOHERAT E KOLERES said...

komentuesit anonim (10.32)

ne radhe te pare si shume urrejte mor mik, uli pak tonet, sepse as me njeh as te njoh. ketu kemi ardhur per te diskutuar dhe per te ndare mendimet tona, jo per te hedhur balte, sepse keshtu diskutimi do te mbaronte, dhe s'do te kish me kuptim.

me drejtohesh me fjalet: "Z. Toni te Artit te koleres". dhe meqe jemi ketu ne sofren bujare te f.lubonjes, me kujtove nje fraze ne nje nga shkrimet e tija te meparshme ne lidhje me informacionin, ku thote:

“Duke bashkuar dy gjysmë të vërteta, nuk arrihet një e vërtetë. Arrihet një dopio gënjeshtër, e më keq akoma, duke bashkuar gënjeshtra të ndryshme, arrihet një gënjeshtër me fuqi të shumëfishuar” (Marco Travaglio).

koncepti i fatosit, me sa kam kuptuar, dhe me te cilin jam shume dakort, konsiston ne ate se nje gjysme e vertete eshte te pakten nje genjeshter e mire. ne lidhje me frazen tende, cilesoj se nuk jam Toni i "Artit te koleres, por Toni i "Artit ne koherat e koleres". dhe shpresoj qe je ne gjendje te kuptosh ndryshimin. sa per"koherat e koleres" mendoj se nje tregues mjaft i mire i tyre jane edhe simptomat nacionaliste, qe fatkeqesisht i hasim edhe permes zerave te disa komentuesve te ketij blogu.

e solla kete shembull tipik ne lidhje me menyren se si me drejtohesh, pikerisht sepse eshte sinteze e tere komentit tend. frazat qe shkrove me siper, jane te mbrujtura me mllef, dhe kane brenda tyre paranojen e urrejtjes ndaj gjithckaje greke dhe greqise. dhe nga nje njeri qe shprehet me urrejtje, nuk mund te presesh te nxjerre xhevaire.

thua se greqia eshte "delja e zeze e BE". shoqeria greke (kujdes nuk flas per shtetin grek, por per shoqerine civile) i dashur mik, eshte nje nga shoqerite me te shendetshme te komunitetit europian, me nje popull te paperkulur, krenar dhe luftarak. e deshmojne kete edhe betejat sociale, te dhjetorit te kaluar, por jo vetem, e deshmojne kete betejat e rinise greke perkundrejt brutalitetit shteteror, apo diktatit global amerikan.

per te kuptuar se sa perpara shoqerise shqiptare eshte shoqeria greke, mjaftoi vetem vrasja e nje 16 vjecari, per tu cuar i tere populli ne kembe, dhe per ti treguar dhembet mekanizmit sheteror; ne demonstrata, ne greva, ne revolta popullore, ne beteja, ne perleshje me zagaret institucional(forcat e rendit), ne llogore e barrigada. ne te kundert ne shqiperi ndodhi gerdeci,u vrane dhjetera, u infektuan me mijera te tjere (pasojat e verteta te incidentit ende nuk mund ti njohim), dhe jo vetem qe nuk e vuri ujin ne zjarr askush, por kryeministri i gerdecit u rizgjodh ne postin e tij.
nga shoqeria greke, ben mire te mesosh miku im, nese nuk je i kenaqur me erresiren sociale ne te cilen te kane kallur sot si individ shqiptar, dhe nese ke deshire te ecesh perpara.

sa per gjirokastritet dhe korcaret, se me ke kane shkuar dhe kane ardhur qysh nga shekulli i 4 p.k., ne antikitetin e lashte, ne periudhen probizantine, bizantine, dhe pasbizantine, e deri me sot, pergjigjet nuk do te ti jap une. te rekomandoj te besh ndonje vizite(sepse nuk eshte turp) ne muzete historik, arkeologjik, apo te artit ne shqiperi, per te kuptuar nga ishte dhe eshte qendra e gravitetit. per tezat e tua te tjera, jane vertet amatoreske, dhe nuk besoj se do te ja vlente pergjigja.

p.s. -edhe dicka te fundit. une ketu jam me emrin tim te vertete. ti si trimosh dhe patriot qe je, pse na hidhesh dhe sperdridhesh nen masken e anonimitetit, nga kush ke frike?! shkruaje emrin tend te dime me ke flasim?

pershendetje!
toni

Anonymous said...

Sa per trimerine dhe drejtesine e shoqerise civile greke, do ishte mire te permendej sa here eshte ngritur kjo shoqeri ne dhjetra rastet kur jane vrare te rinj shqiptare nga policia greke? Sigurisht ata kishin kryer "shkeljete ligjit" por po ashtu kishte kryer shkelje dhe mosbindje ndaj perfaqsuesve te rendit edhe 16 vjeçari grek.Po standarded kane qene krejtesisht te ndryshme dhe kjo kudo do interpretohej si shenje tipike racizmi dhe mungese civilizimi.

Sa per patriotizmin, ky nuk ka pse te jete fare problem per askend. Problemi i vertete eshte shovinizmi dhe me vjen keq te them por megalloidea greke shdrin qe nga maja e Olipmit ne te gjitha komentet tuaja.

Sa per emrin, i dashur mik, edhe ju sikur preferoni te shkruani me anonimat. Nuk mendoj se ka fare rendesi se kush jam, por çfare shkruaj.Dhe mendoj se sofra e Z. Lubonja eshte vertet bujare, pasi lejon qe shkruesit te thone jo thjesht nese jane dakord apo jo me nje artikull apo ide te caktuar te tij, por te ngacmauar prej tyre te shkembejne dhe debatojne mendimet e veta te lira.Eshte thjesht diskutim idesh, pavaresisht nese na pelqejne apo jo. Nothing personal!

Anonymous said...

"Kush miret me te kaluaren humbet nje Sy. Kush harron te kaluaren i humbet te dy syte" Proverb Rus

Anonymous said...

Lereni Europen,regjistrimin ,vizat,pasaportat biometrike e ku di une se c'idiotizma prodhon politike-propaganda e sotme.
Te mbajme token qe mezi e kemi fituar dhe te punojme per vete se do humbim gjithcka.Mos u besoni vizave, se sot i heqin e neser i vene perseri.Te leme enderrat si gomari, po ti shtrohemi punes te ndreqim vendin.Nuk e shihni se si po e perdhosin Salite dhe Edvinet?Po e permbytin,po e vjedhin,po e vrasin,po e japin me koncesion copa copa,po e ngopin me petrolifera e me plehra , perfshi ketu edhe ato radioaktive.
Te gjitha ndodhin se ne jemi ne enderr si gomari.Kemi 500 vjet te pakten qe jemi ne enderr e ia futim kot.

Europa eshte thjesht nje projekt te cilin as europianet vete nuk e dine nese do te funksionoje.Ka shume aresye per te mos funksionuar.Diferenca te medha ne zhvillim,probleme financiare,probleme nacionale nevoja te medha per energji,etj.Por mbi te gjitha ka nje grup fuqish rivale te cilat nuk deshirojne nje Europe funksionale.
Dhe nese Projekt-Europa nuk mbijeton dot, si do tu veje halli vendeve te vogla?
Kujtoj Jugosllavine e bashkuar rreth idese "vllazerim-bashkim".
Jetoi nga 1919 deri ne 1991 dhe kur u shthur the gjithe e pame se c'ndodhi.
Ashtu do te ndodhe edhe me shqiptaret "europiane" nese "Europa" nuk do te shkoje gjate.Do bredhim neper bote si cifutet ne shkretetire.
Ne jemi katandisur sa duam te ikim nga syte kembet dhe nje sahat e me pare neper Europe dhe nderrojme cdo gje;emrin,fene,emrin e babes e te nenes,te gjysherve,etj.Ne qe nuke e gjejme dot fjalen me njeri tjetrin,si do mund ta gjejme me te tjeret qe as na kane e as i kemi gje?
Nuk kemi frike nga regjistrimi,por nga mashtrimi ne regjistrim,mashtrim qe e kemi gatuar vete dhe tani nuk dime nga t'ia mbajme.Se nuk jemi ata qe jemi dhe jemi ata qe nuk jemi.Pa identitet personal e pa dyshim, pa identitet kombetar.Ne qe nuk na dhimbsen emrat dhe feja,sikurse nuk na jane dhimbsur historikisht,le te na dhimbset TOKA,per te cilen kemi nderruar emrat dhe fete historikisht.
Ky eshte paradoksi yne.Nese te paret tane e nderruan fene per te mos humbur TOKEN,ne po e nderrojme per ta humbur ate.
Nuk kam lutje tjeter vecse:"Falna zot se nuk dime c'ka bajme".
E meqe iu referova Krishtit,toka e premtuar eshte ajo te cilen e kemi e nuk duhet ta kembejme me asgje.
Ne te mire e ne te keq vendi yne eshte ketu.Po e leshuam,ne qafe pacim veten.Askujt nuk do ti vije keq.

e-lira said...

Drejtuar Anonimous (ne komentet e funidt) - ne lidhje me komentet mbi shoqerine greke / megalloidene greke



Te gjitha ato cka thua mbi mendesi te caktuara te shoqerise greke apo per procesin mevonshem te kombformimit grek jane te verteta, vecse kendveshtrimi i pare apo I trajtuar nuk buron drejtperdrejt nga sensi I vendosjes te nje lloji drejtesie, por nga nje mllef I brendshem, qe ndonese ne dukje I perligjur, ne thelb eshte emotiv. Vetekritika do ishte me vlefshme nese do kthehej drejt kahut te ngjizjes te gjithe botkuptimit etnik, zakonor, fetar, kulturor, moral, material, social - politik te komb - shtetit shqiptar. Cdo popull ka historine e vet te procesformimit. Nuk ka rendesi nese ky proces eshte me pak apo me shume I persosur, me I drejte apo me I padrejte. Ne nuk jemi ketu per te gjykuar se perse qeveritaret greke vazhdojne akoma te betohen perpara nje rrasoje te zeze, se perse feja ka luajtur dhe vazhdon te luaje nje rol kaq te rendesishem ne fushen shpirterore te popullit grek. Ne te njejten menyre, do na duhet te hamendesonim dhe te arsyetonim mbi rolin e sferes spirituale te shume civilizimeve te tjere. Universi i ‘political behaviour’ eshte kaq kaotik, saqe skemat standarde dhe te thjeshtezuara te interpretimeve do e thellonin me teper hendekun ekzistues.

kenji said...

Përshëndetje z. Lubonja. Nuk jam plotësisht dakord me analizën tuaj të fjalëve "nation", "nationality", dhe "citizenship" në anglisht. Në fakt fjala "nation" ka qenë dhe akoma është aq ambiguoze në anglisht sa fjala kombësi në shqip. Flitet në anglisht nganjëherë për një "nation without a state" siç janë p.sh. kurdët e Irakut dhe të Turqisë, ose në një rast më të lidhur me temën tuaj, siç ishin shqiptarët e Perandorisë Osmane. Pra fjala "nationality" në anglisht mund të ketë njërën nga dy kuptime të mundshme:

1. Shtetësi. Në këtë kuptim është sinonim në anglisht me "citizenship", pasi edhe në "federatën" e ShBA-ve nuk mund të jesh "citizen" i një "shteti" (në kuptimin amerikan të fjalës), por vetëm i "kombit" (ShBA-ve). Unë jam, t'ju jap një shembull, një "citizen" amerikan i cili jeton në "shtetin" e Kalifornisë, por nuk mund të them se jam një "citizen" i Kalifornisë. "Citizenship" (shtetësia) dhe "nationality" (kombësia) janë e njëjta gjë këtu.

2. Kombësi në kuptimin etnik të fjalës. "Nationality" në anglisht përdoret në këtë kuptim vetëm kur i referohemi kombeve të Evropës Lindore, të Afrikës, të Azisë Qendrore, dhe rajone të tjera ku ka shumë "ethnic states" (shtete etnike). Dhe kjo ka lidhje me rastin e Shqipërisë ngaqë Shqipëria u themelua pikërisht si një shtet etnik (edhe pse nuk është e detyruar të vazhdojë si i tillë). Në këtë konceptin e dytë, "citizenship" dhe "nationality" mund të dallohen në anglisht, por jo në konceptin e parë.

Ju kërkoj falje që kam folur aq gjatë për anglishten, por desha ta sqaroja këtë pikë të vogël pasi e keni përdorur fjalorin anglisht për ta bërë dallimin në shqip.

Anonymous said...

Komenti im do te jete i shkurter. Te me falni per mungesen e durimit per te lexuar te gjitha postimet. 1)Njeriu ose shoqeria e shendetshme nuk e ka frike te verteten. Rregjistrimi duhet bere. 2)Shoqerite qe hapin tema te tilla (ne lidhje me identitetin dhe perkatesine etnike) zakonisht kalojne ne hiperboli ultranacionaliste. 3)Toni e nise bukur por duhet kuptuar se dikush qe sulmon nacionalizmin e nje shoqerie te organizuar ne shtet kupton fare mire se shtete akoma me te organizuara jane akoma me shtupese ne keto drejtime - a)shteti grek nuk njeh asnje minoritet etnik b)shoqerie greke eshte nga me rracistet ne B.E. c)Greqia mund te cilesohet shume lehte si shtet fondamentalist fetar. Ka shume shembuj shtetesh dhe shoqerise perparimtare por greqia nuk eshte nje nga ato.
Nejse ajo qe me ngacmoj mua jane klithmat te cilat shume shpejt do te na cojne drejt deklaratave te bindjeve dhe ndjenjave patriotike. Secili do te mudohet te deshmoje se eshte shqiptar i kulluar ose me shqiptar nga fqinji i tij. Shqip ne familjen time fliste vetem 1 nga gjysherit dhe gjyshet e mia dhe kete fakt e permend dhe do ta permend gjithmone vetem per hajer te te vertetes dhe jo sepse ndihem apo ndiheshin ata dicka tjeter pervec shqiptar. Hidherohem kur mendoj se e verteta nuk do te behet e besueshme por klithmat dhe shtremberimet e populisteve. Jetoj ne Greqi dhe ky shtet dhe kjo shoqeri lene shume per te deshiruar. Megjithate nuk do desha ta shihja atdheun tim te merrte te njejten rruge. E verteta mund te marri kohe por do dali ne pah sidomos tashme ne kohen e internetit dhe nje shembulli si eshte B.E. ne fushen e te drejtave te njeriut.