Tuesday, May 11, 2010

Simbolika e grevës

Duke dalë me makinë nga rrugica e ngushtë e pallatit ku banoj, që po bëhet ditë për ditë më e ngushtë për shkak të parkimeve anës saj ...vura re se në rrugicë, përbri murit të një kafe – bari, pronari kishte vënë disa hekura të freskët bllokues dhe sipër një tabelë ku shkruhej me gërma kapitale: “parkim për lokalin”. Shkurt kishte bërë atë që e kemi parë gjithandej gjatë kësaj periudhe: kishte rrëmbyer një copë hapësire publike (rruge) dhe e kishte “privatizuar” për hesapin e vet; çka ndryshe i thonë: i forti vë gardhin kurse ai që e pëson s’guxon t’i kundërvihet sepse - thotë vetmevete - ky duhet të jetë ndonjë me të cilin të gjen belaja, o pse është i marrë, o pse është i lidhur me mujsharët e pushtetit lokal a qendror.
Dola i revoltuar nga rrugica e ngushtë për në rrugën e gjerë që të çon në bulevardin e madh, por aty mu amplifikua kjo ndjenjë duke parë se për të shkuar atje ku kisha destinacionin më duhet të bëja një rreth të madh të panevojshëm sepse atje nga ku duhet të kaloja një grup shumë më i madh mujsharësh ka vendosur disa çadra dhe e ka shpallur rrugën vendin e vet, ku do të bëjë protestën e vet kundër Qeverisë deri në përmbysjen e saj.
Kam dëgjuar këto ditë shumë njerëz, edhe nga ata të urtë që nuk janë dakort me grevën, madje edhe liderët në pushtet si Berisha dhe Meta, që e fillojnë komentin e tyre për këtë grevë duke thënë: “kam respekt për aktin e tyre të vetsakrifikimit por…”. Mua më duket hipokrizi kjo retorikë sepse nuk kam respekt për atë që po ndodh. Para të gjithash duhet të them se kjo grevë, nga mënyra se si është organizuar, në fakt duke imituar edhe greva të tjera, nuk mund të reduktohet në njerëzit që kanë vendosur të mos hanë. Ata janë vetëm njëra pjesë e grevës. Pjesa tjetër është okupimi i bulevardit me çadrat edhe tribunat e vendosura atje, oratorët jashtë grevës që mbajnë vazhdimisht fjalime lufte; njerëzit që vijnë nga rrethet të protestojnë; media dhe gazetarë që rrinë non stop jo thjesht për të pasqyruar ngjarjen, por edhe për të gjeneruar ngjarje. Duke pasur parasysh gjithë këtë, kjo grevë më shumë sesa vetsakrifikim pasiv që duhet të flasë vetë jep mesazhet e një dhune mjaft aktive, kurse të ngujuarit i shoh si pjesë e nxitjes emocionale të turmës për të bërë që kjo të humbasë më në fund durimin dhe të kalohet, kësisoj, në akte dhune e destabilizimi. Në këtë kontekst, fakti që organizatorët e grevës i kanë vendosur përdhunisht, pa kërkuar leje, duke shkelur ligjin, çadrat atje në mes të rrugës ku duhet të kalojnë të gjithë qytetarët e Tiranës më shëmbëllen me aktin e dhunshëm të atij pronarit të lokalit që zapton pjesën publike dhe e bën të tijën pa leje dhe pa ligj.
Kuptohet, nuk e kam fjalën thjesht për bezdinë e qarkullimit. E kam fjalën për atë se kjo sjellje flet shumë për atë se si e shohin raportin me qytetarin e thjeshtë dhe me ligjin ata që pretendojnë se po luftojnë në emër të tyre. Le të shpjegohem: ka shumë shqiptarë, ku bëj pjesë dhe vetë, që janë të pakënaqur me Qeverinë sa s’ka më, por që nga ana tjetër nuk kanë besim se kjo grevë po bëhet për të mirën e tyre. Për këtë u mjafton vetëm pak kujtesë apo edhe pa kujtesë fare: mjaft të shohin një kilometër më përtej se si Kryetari i grevistëve po shkel me katër këmbët disa ligje duke shpërfytyruar sheshin “Skënderbej” dhe lulishten prapa monumentit. Ka po ashtu shumë nga ata që mendojnë se kjo grevë vetëm mund t’i përkeqësojë problemet e mëdha që ka vendi dhe jo t’i lehtësojë. Ka të tjerë që janë të lëkundur dhe plot kontradikta në vlerësimet e tyre. Ka pastaj nga ata që janë simpatizantë apo edhe militantë të PD-së që këtë grevë e shohin me armiqësi. Sipas mendimit tim, këta të gjithë së bashku janë shumica e shqiptarëve. Cili është mesazhi që i japin grevistët kësaj kategorie qytetarësh, duke u zaptuar rrugën ku duhet të kalojnë pa pyetur as për ligj dhe as për respekt për ta?
Nga këndvështrimi i kategorisë së qytetarëve ku bëj pjesë, skenografia e grevës, ku në një anë shoh ndërtesa publike të okupuara nga maxhoranca kurse më anën tjetër një shesh publik të zaptuar nga opozita, pa fije rrugëkalimi për qytetarët mes tyre, e shoh si një shprehje simbolike të dramës që kemi njëzet vjet që e përjetojmë: ndeshjen, pa respekt për qytetarin dhe ligjin, të dy forcave që nuk njohin asnjë pushtet tjetër përveç të vetvetes.
Dëgjova Erion Velinë të fliste si levend ditën e tretë të grevës për të na shpjeguar se, përsa i përket bllokimit të rrugës, duhet të kujtonim atë gjykatësin në SHBA, i cili u dha të drejtë marshuesve të Martin Luter Kingut. Mirëpo ky harroi se paska pasur një gjykatës i cili u paska dhënë të drejtë marshuesve. Kurse problemi i këtyre grevistëve është se kërkojnë të bëjnë edhe gjykatësin vetë, pasi pretendojnë se gjykatësi është instrument i kundërshtarit të tyre, madje as pa tentuar ta provojnë këtë.
Kësisoj një qytetari që shtron pyetjen: cilit institucion duhet t’i drejtohem për të kërkuar të drejtën që të mos më bllokohet rruga, përgjigja që do t’i vijë nga grevistët që pretendojnë të marrin pushtetin nesër, është: ti e kërkon këtë sepse je pjesë e llogores tjetër. Përgjigja nga Qeveria e maxhorancës që në fakt duhet të jetë edhe qeveria e qytetarëve që nuk e kanë votuar është mosndërhyrja sepse edhe ajo i është nënshtruar gjithmonë lojës së forcës dhe në këtë rast, në këtë lojë force, i leverdis më shumë të mos ndërhyjë sesa të ndërhyjë. Dhe kështu ky lloj qytetari që e përsëris është shumica, por edhe sikur të jetë një pakicë, prap është për t’u respektuar, mbetet pa shtetin e vet. Kushdo që kërkon rrugën të lirë sepse është e drejta e tij, ashtu sikurse është e drejta e tij të mos votojë asnjërën nga këto parti, apo t’i konsiderojë të dyja pjesë të së njëjtës lojë për pushtet, duket sikur të mos ketë më vend në këtë shoqëri.
Në thelbin e vet skenografia e grevës, ajo e bllokimit të bulevardit mu midis Kryeministrisë dhe Kryesisë së Kuvendit, jep mesazhin se në këtë vend është më i forti ai që bën vetë zotin dhe vetë shkopin e jo ligji që siguron edhe ndarjen dhe balancimin e pushteteve në mënyrë të tillë, që askush të mos mund të guxojë të bëjë vetë edhe denoncuesin, edhe prokurorin edhe gjykatësin. Nga përvoja e deritanishme, di të them se ky mesazh veçse e dobëson shtetin dhe thellon mungesën e transparencës jo vetëm të votës, por dhe të asaj se si na janë vjedhur e vidhen paratë.
Besoj se jo rastësisht në këtë kohë kanë lulëzuar edhe më shumë raste si ai i atij pronarit të kafe barit në rrugicën time, që ka zaptuar një copë rrugë për të parkuar makinën e vet. (Panorama, 11 maj 2010)

13 comments:

NOBLE said...

Absolutisht keshtu eshte.
Kjo qe po ben opozita eshte nje loje e felliqur dhe ngado qe shkoj ve re nje indiference totale e madje perbuzje ndaj protestave dhe greves. Askush nuk ka nge per trazira e per nje beteje ku luftohet kunder stabilitetit te vendit, kinse ne emer te vendit. Te gjithe jane ludhur nga KINSE-t e politikes se ketyre viteve. Me e keqja eshte se nuk kemi alternative tjeter te zgjedhim. Por ama keta po na prezumojne edhe ne lirine tone me minimale qe eshte indiferenca.

Anonymous said...

Nese kete te drejte per kontrollin e votes do ta kerkonte ndonje grup i ri politikanesh ,ndoshta duhet te mbeshtetej nga te gjithe,por me cfare kerkon ps te na mbushi mendjen me doklen,ramen apo te tjeret qe kane qene ne menyre konstante hajdutet e votes apo me pjesen dermuese te militanteve qe jane ne greve te cilet ne procese votimi kane qene autore te vjedhjes se votes.Pse rama nuk eshte ngritur asnjehere te kontestoje zgjedhjet lokale ne tirane ku ka fituar apo ata kane qene zgjedhje te lira????? Apo kur fiton nuk interesohet per standartet.Pse kerkojne voten ata qe e kane vjedhur ne zgjedhjet e ndryshme.Une mendoj qe ata shfrytzojne kete fakt per te ardhur me cdo kusht ne pushtet.
Rama te os na tregoje me prralla per politike te re sepse eshte kopje e keqe e berishes ne 1996, e per me shume eshte mekeq sesa ai ne pikpamjen e demokracise.
Nese popullit po i shkon gjithnje e me ters pjese te madhe te fajit ka ps me hitlerin e saj ne krye,
E keqja qe rama na ka futur ne tirane me zullumin e ndertimeve eshte per te ukuritur kurse ujku na ben qingjin
F.. You rama

Anonymous said...

I nderuar zoti Lubonja, ju jap disi te drejte kur flisni per qytetaret qe nuk simpatizojne as mazhorancen dhe as opoziten por gjithsesi nuk jam dakort ne te qenit absolutisht indiferent ne nje situate te tille. Une mendoj dhe dua te besoj qe kjo revolte qe duket qartazi qe eshte e yshtur nga kreret e se majtes te kete zgjuar nje grimce te ndergjegjes kolektive te popullit per te kerkuar transparencen ne politike kushtin kryesor te demokracise. Kjo gje patjeter koencidon me etjen per pushtet te opozites por populli ka nevoje per udheheqes e sic duket ne jemi te pafat per prijesa. Neper podiume thuhen gjera qe jane pak a shume te verteta dhe kete e dine te gjithe, por tragjedia qendron ne faktin se nese kjo Qeveri bie, ajo qe do te pasoje do te riservire te njejtat gjera ne salse majtiste. Personalisht shpresoj ne lindjen e nje Obama shqiptar e deri atehere do te ndjehem nje qytetare mirefilli e tradhetuar.

lejlani- Preshevë said...

kjo skenografi ashtu të jep impresion dy pushtete ku secili punon për hesap te vetë,por pyesim vallë një regji duhet ta ketë,bile sa edhe fine,pse sa herë që na qenka nevoja për një "zgjidhje" këto pushtetarë po na vizitokan këtë Paris athua atje është vendi ku shqiptarëve po ju ndaheshin fatet e se ardhmes,asgjë më shum se -de zhavu- bilem sa drithëruese kur po na kujton atë ithtarin e partisë së punës që na shkolluan dhe na i dhanë vlera antagonike të perendimit,pra diçka e parë,kjo nuk do të na sjellë asgjë të veçant vetëm se që ndonjë LOhan të dalë e të le..xojë një copë letër se sa larg jemi Evropës së euoros,për mos të parafrazuar shkurtë shqiptarët janë një therrë qe kjo Evropë shtrigë si na mësoi Fishta nuk i don te jenë me yll të kaltërt,por turpi qëndron tek ne se na vie turp me thënë se nje pjesë e ketij kombi janë muslimanë dhe kjo është ajo që ata se duan dhe pa kurfarë niveli vetëdije dhe intelegjence nuk dalim për ta mbrojtur identitin tonë si muslimane shqiptar që jemi,por krenohemi me kombësinë kjo është qesharake njeriu krenohet me atë që zgjedh dhe arrrinë vetë jo me diçka që ta ka falë Zoti yt,pra po rrëshqasim dhe kulturën duam ta lidhim me gjakun,kombësinë shumë e pa llogjikshme,prandaj deri sa e kemi pru punën në atë pikë sa edhe sllavët të tallen me ne në enciklopisllikun e tyre,ku na mbet puna para evropianeve hipokrit,prandaj duhet të dilet nga ku mirafet i komunizmit që na punoi dhe na la midis rrugës te "semafori" tani presim deri sa të na shpien ne pallatin e kaltert me 12 yje te verdhe,bravos evropë, mire na bane....e ndave vllane me vllane...na vure gardhet ashtu si dashte ... e na fute ne dhe Plaven,Gucin Toplicën dhe Çamerine,...

Murik said...

Une as nuk mund ta imagjinoj se c'do te bente ky "njeri" ne qofte se do te ishte kryeminister..
Une jam nga ata qe nuk votojne,por midis nje "djalli" qe njoh dhe nje "engjelli" te cilin nuk e "njoh" voten do ia jepja "djallit".
Eshte e tmershme se sa memorie te shkurter kemi ne shqiptaret; A nuk ju kujtohet sjellja e Rames ndaj grevisteve artiste ne vitin 2000 ne mos gabohem?

artan said...

Z. Lubonja jeni nga te paktet qe flet pa dorashka dhe objektivisht. si gjithmone s'ke c'ti shtosh fjaleve tuaja. analiza juaj eshte shume e sakte . ne kete vend nuk pyet njeri per qytetarin e thjeshte, te gjithe jane vendosur neper llogore e tregojne muskujt.
mjere ne te shkretet!

Anonymous said...

Me vjen keq kur lexoj keto artikuj kaq te sforcuar nga Lubonja. Ideali i votes se lire eshte ideal i respektueshem sikur edhe krimineli me i madh ne bote ta kerkonte e jo me opozita. Lubonja ben sikur po na bind duke u marre me Ramen por e ka problemin se u vonua ne trafik se te tjerat i ka ne rregull.

Nese zgjedhjet vidhen dhe kjo nuk iu shqeteson juve ketu eshte problemi...
Votat u vodhen zoti Lubonja dhe kutite duhen hapur te tjerat jane stermundime duke kruajtur koken..

I dashur Lubonja qe opozita do te vije nje dite ne pushtet me Ramen kjo dihet pyetja eshte se kur...

Anonymous said...

Komenti juaj z. Lubonja eshte nga me te shemtuarit qe mund ti serviret nga nje analist i panshem publikut. Morlizimi i tejskajshem reth rendit ju ben juve ingranazh te rendit egzistues
Stefani

Arsita said...

Zoti Lubonja,

E vizitoj here pas here faqen tuaj e nuk mund ta mohoj qe shpesh gjej shkrime interesante ne lidhje me aktualitetin shqipetar, shkrime qe vijne nga pikepamja e njeriu te sprovuar, me eksperience, shkrime qe pasqyrojne nje analize te thelle te ngjarjeve politike ekonomike apo shoqerore te Shqiperise (s’mund te le ketu pa permendur nje shkrim mbi tendencat klanore te shoqerise Shqipetare, nje shkrim qe daton ne gusht te vitit te kaluar ne s’gabohem).

Ne shkrimin aktual ne vend te nje analize te detajuar te situates ju keni zgjedhur te viheni ne vendin e nje qytetari te thjeshte shqipetar dhe ju pergezoj per kete sepse ky kendveshtrim eshte nje hallke tejet e rendesishme e qe le shteg per analiza vetjake e jo stereotipe te lindura nga diskutime pasionale te njerezve karizmatike.

Mirepo duke lexuar shkrimin tuaj ajo qe me vjen ne mendje eshte qendrimi i dikujt qe eshte distancuar nga kjo ngjarje aktuale i cili eshte totalisht i ndergjegjesuar per sa i perket te drejtave te tij qytetare dhe qe ka bere zgjedhjen e tij per sa i perket qendrimit ndaj kesaj situate. Sipas shkrimit tuaj keto karakteristika jane te qenesishme per « shumicen » e shqipetareve…vertete e mendoni kete zoti Lubonja ? Kjo ishte pika e pare qe me beri te reagoja ndaj ketij shkrimi…Vertete ju mendoni se « shumica » e shqipetareve jane te ndergjegjesuar dhe i njohin teresisht te drejtat e tyre qytetare ? Vertete mendoni se ata e e kane te qarte ligjin qe u ndalon ketyre tubimeve te bllokojne nje cope sheshi para kryeministrise per te mbrojtur aty ceshtjen e tyre ?
Ke quani shumice ju zoti Lubonja sepse perfaqesimi qe ju i bete shumices ne shkrimin tuaj nuk me bindi aspak per sa i perket te GITHE Shqiperise…mendoj se kur flasim per statistika ne shqipetaret duhet te jemi me te kujdesshem sepse fatkeqsisht faktet e kane vertetuar se rrallehere ne kemi qene te afte te percaktojme vertete nje statistike te sakte cilesore apo sasiore. Ketu mund te permendim shume fakte qe nga regjistrimi i popullsise e deri te shifrat ekonomike te nxjerra nga kryeminstria apo nga pergenjeshtrimet e instatit te bera kundrejt vete instatit…po nuk dua te zgjatem me kete. Si rrjedhe e ketij arsyetimi (i cili eshte arsyetimi personal i nje stundeteje 24 vjecare, qe te kuptohemi…) kur ju permendni termin shumice une mund ta perkthej me shume si propagande se sa si nje stastike te vertete.

Ju thoni ne shkrimin tuaj zoti Lubonja se Veliaj me shoke nuk e kane mare mundimin te pyesin nje gjyakte per leje tubimi ne ate cope sheshi para kryeministrise sepse ata pretendojne qe gjykatat nuk jane funksionale…mirepo ne te njejten kohe ju thoni se ju, qytetari i thjeshte i Tiranes, nuk shkoni ta denonconi kete mosrespektim ligji sepse ju pretendoni se askush nuk do t’ju degjoje…me thoni ju lutem ku qendron ndryshimi midis ketyre dy pretendimeve…une nuk arrij ta gjej ne mos qe nje problem i qarte evidentohet, ai i mosfunksionimit te institucioneve shqipetare…por kete une dhe ju e dinim tashme zoti Lubonja apo jo.

mati said...

Ajo qe mendoj une zoti Lubonja, eshte se shqipetareve ne pergjithesi (dhe kete mund ta pohoj megjithese ne menyre jo statistike por kam jetuar ne France per 5 vjet me rradhe dhe kjo me ka bere te relativizoj por dhe te shoh ne menyre objektive shume ceshtje e sidomos kur keto u perkasin te drejtave qytetare) u mungon ndergjegjesimi per sa i perket te drejtave te tyre, ndoshta si pasoje e komunizmit, ndoshta si pasoje jo vetem e komunizmit por e te gjithe historise shtypese te Shqiperise…Shqipetaret e kane te veshtire njohjen e te drejtave te tyre ne nje shoqeri demokratike nese kjo nuk eshte drejtperdrejt e lidhur me thirrjet pasionale te liderve karizmatik te cilet akoma si ne kohen e romakeve e ushqejne popullin me ndeshje gladiatoresh…Shqipetaret nuk e dijne se mund te mbeshteten ne institucione per te kerkuar te drejtat e tyre sepse ndoshta keto institucione nuk ekzistojne ose ose ato e kane humbur besimin se keto institucione mund te funksionojne…jam plotesisht dakort. Por a nuk mendoni ju zoti Lubonja se ngritja e zerit dhe jo indiferenca do te bente nje ndryshim ,ndryshimin e pare qe do te conte ne ndergjegjesimin e shoqerise se paskerka rruge te tjera nga ajo e luftes me arme, me klane apo me korrupsion per fitimin e nje ceshtje ? A nuk mendoni ju zoti Lubonja se kjo mund te sjelle nje ndergjegjesim te aktivizimit te shoqerise ? A nuk mendoni ju se aktivizimi i shoqerise eshte i domosdoshem ne sensibilizimin dhe permiresimin e saj ?

Tani me thoni zoti Lubonja a mendoni vertete se aktivizimi i cdo lloj shoqerie shqipetare ashtu sikurse te huaj mund te behet ne menyre e ne kushte perfekte ? A nuk mendoni dhe ju si une qe nganjehere duhet te bejme kompromise per hir te nje ceshtje qe ndoshta eshte me rendesishme se ajo tjetra qe po sakrifikojme, si pershembull marja e nje cope sheshi per te ngritur disa cadra ? Megjithese e re, une e di qe situata aktuale ka qellime politike te cilat nuk i ndaj por a nuk mendoni qe ne te njejten kohe kjo po i kujton shqipetareve qe ato kane nje ze ne shoqeri dhe qe ndoshta neser mund ta perdorin zerin e tyre per te kerkuar te drejtat dhe institucionet e ligjshme qe neser kur te kene zene nje cope sheshi per te protestuar per te drejtat e tyre tu kene mare leje institucioneve perkatese perpara…e ne kete menyre ky ushtrim i te drejtave te tyre te mos bie ndesh me qytetarin qe nuk e ndan ceshtjen e tyre si puna juaj, qytetar mendimin e te cilit e respektoj teresisht (respekt qe ne kete rast nuk mer formen filozofike te frikes por te pranimit te nje mendimi te cilin jo domosdoshmerisht e ndaj por qe e pranoj si nje drejte themelore demokratike e cila dhe ajo ndihmon ne debatin konstruktiv te shoqerise apo te grupimit ku bej pjese).

Teksa lexoja shkrimin tuaj dhe teksa lexoj aktualitetin shqipetar nuk mund te mos reagoj. A nuk mendoni se ai qytetari i thjeshte te cilit cadrat i kane penguar rrugen per ne pune tregohet pak egoist dhe jo tolerant ne kontekstin e nje situate si kjo e jona ? A nuk mendoni se ato cadrat, ndoshta te nisur nga nje qellim jo i drejte politik (por me thoni zoti Lubonja se kur politika kudo ne bote ka qene ndonjehere filantropike), po ndergjegjesojne ate pjesen tjeter te popullsise ne menyre qe ata, femijet e tyre, neser, te mund ti njohin plotesisht te drejat e tyre ashtu sikunder dhe ju zoti Lubonja, dhe neser ashtu sikunder dhe ju zoti Lubonja ata te jene te afte te zgjedhin me koshiencen e tyre nese duan apo jo te behen pjese e nje lufte idesh paqesore…

Arsita

Leon Kaza said...

Shume dakort zoti Lubonja, pena juaj si shume here te tjera di ti skalise si duhet shemtite e realitetit te perditshmerise se jetes shqiptare. E ne kete kuader shemtite e politikes shqiptare jane me lehtesisht te qemtueshme per kedo.
Por verej me nje fare keqardhjeje se si perdite e me teper shkrimet tuaja behen cdohere e me konformiste me mazhorancen. Ne fakt, mendimi im ka qene se vetem konformizem nuk do arrija te lexoja nga ju, por shkrimet e tua e konfirmojne cdo here e me teper kete gje. Imagjino psh, se si do te ishte per nje moment, qe gjithe kete zallamahi qe po ngjet ne mes te qytetit, ju ta drejtonit si nje moment presioni ndaj mazhorances per te pershpejtuar nje zgjidhje. Si do te ishte psh te shkruanit se me ne fund Berisha duhet te arrije nje kompromis mbi hapjen e disa palo kutive dreqi e mori se nuk do kene ndonje atak biologjik per shfarosjen ne mase, ndaj as qe ia vlen te bllokohet bulevardi per disa kuti aty ketu.
Sikur te shkruanit psh se ka shume shqiptare qe ashtu si iua ze frymen e mendjen Ju, ajo copez rrugeze perbri shtepise suaj qe perdite ngushtohet nga "pronare" cuba, ashtu iu zihet fryma, e ndoshta edhe me keq, mijra njerezve qe me lista nenshkruajne peticione, me lista dalin ne kundramitingje me friken e nxjerrjes nga puna. Ne secilen menyre, do te me pelqente pak me teper ekuiliber ne shkrimet tuaja zoti Lubonja, shkrime te cilat kurdohere mbeten mjaft te pelqyeshme.

Haliti & Fisniku said...

Doja të dija, Z. Lubonja, a jeni edhe ju një nga ata nënshkruesit e peticionit nga "intelektualët". Po, po, me thonjëza. Nuk ma ka marrë mendja kurrë se edhe ju paskeni rënë aq poshtë sa të shkruani një "analizë" kaq të dobët. Ju, natyrisht, nuk mund t'i jepni përgjigje të gjithë atyre që ju pyesin në reagimet e tyre këtu. Kjo, sepse në analizën tuaj për grevën e protestën i keni dhënë me kohë përgjigjet e pyetjeve të mundshme si kjo e imja. Gjithësesi, retorikisht do t'ju pyesja: Sa të ka pague Sala?
Dikush këtu (NOBEL) që na e ka zgjedhur anglisht fjalën Fisnik , pasi s'ka si të jetë i tillë shqip, paskësh zggjedhur rrugën e indiferencës ndaj grevës së urisë e protestës masive nga të katër anët e vendit. I së njëjtës kategori mund të ishit futur edhe ju Z. Lubonja, dhe e kishit kursyer vheten nga bataku ku je zhytur "intelektualisht" Më shumë respekte për Fisnikun (NOBEL) se sa ju!

leandro said...

Nuk mendoj qe ndonjeri nga te gjithe komentuesit ka kapur thelbin e ketij bllokimi te bulevardit!
Do ishte mese e justifikueshme edhe nqs do ishte "zaptuar" pa leje bulevardi ne qofte se ekzistonte nje kauze e vertete, nje proteste e paanshme, nje proteste jo politike, nje proteste nisma e se ciles do merrej nga populli jo nga politikanet qe u reshkiti pushteti nga dora. Ne Shqiperi per mendimin tim kur nuk ka ekzistuar nje proteste e vertete, gjithmone protestat e Shqiptareve jane iniciuar nga politika per strategji te ndryshme te tyre per perfitim!
Aftesia e Edi Rames per organizim dhe per "tufezim" te popullit te thjeshte, ne disa raste edhe duke perdorur punesimin e tyre ka bere qe kjo proteste te jete plotesisht politike dhe jo nje kerkese per transparence.
Kjo nuk eshte Kauze e Shqiptareve, kjo eshte nje lufte e militanteve te Edi Rames, jo te PS-se, per te sjelle "Liderin" e tyre ne pushtet dhe bashke me te te perfitojne dhe ata nga nje cope pushteti!
Une personalisht nuk besoj se ekziston ndonje nga mbeshtetesit e greves qe ne thellesi te mendjes se tij mendon qe gjithe kjo nisme e Edi Rames eshte deshira e tij per ta cuar vendin perpara!
Edhe nje femije 10 vjec e kupton qe kjo eshte nje lufte per pushtet dhe jo per transparence!